கன்னியாகுமரி டு கல்யாணம் (கடுகல்) பகுதி 1-4

கடுகல் பகுதி -1

இந்த கதை, என் வாழ்க்கைல நடந்த ஒரு சின்ன அத்தியாயம். இந்த கதைய பத்தி சொல்லனும்னா இது ஒரு காதல் கதை. இதுல சந்தோஷத்தை விட அழுகையும் சண்டையும் தான் அதிகமா இருக்கும். சண்டைனதும் நடு ரோட்டுல கட்டிபொரண்டு போடுற சண்டை இல்லைங்க. இது வேற மாதிரிங்க. அட என்னை பத்தி நான் இன்னும் சொல்லவே இல்லேல! பொறுங்க சொல்றேன். என்னோட பேரு ஆனந்த். நான், ஒரு முனைவர் பட்டத்திற்கு முயன்று கொண்டிருக்கும் ஆராய்ச்சியாளர். அந்த ஒரே ஒரு பட்டத்திற்கு தாங்க டிரை (try) பண்றேன், குடுக்க மாட்டேங்கிறாங்க. என்ன பண்றதுன்னு தெரியலைங்க, அட ஆராய்ச்சில தானுங்க... எப்படியோ என்னோட கைடு (Guide) கால்ல கைல விழுந்து அடுத்த வாரம் என்னோட சினாப்சிஸ் (synopsis) சப்மிட் (submit) பண்ண போறேன். அதனால கொஞ்சம் கேப்பியா (happy-a) இருக்கேன். இது தாங்க என்னை பத்தின பெரிய அப்பீசியல் இன்றோடக்சன் (official introduction). என்னை பத்தின பெர்சனல்னு பார்த்தா நான் ஒரு ஓரினச்சேர்க்கையாளன். இதை மறச்சு, நான் இன்னும் திரைமறைவு வாழ்க்கை தாங்க வாழ்றேன். என்ன பண்றது, நம்ம சமுதாயம் அப்படி... 

நான் இப்போ ஒருத்தரை என்னோட உயிருக்கு உயிரா காதலிக்கிறேன். அவனும் என்னை காதலிக்கிறான். அவன் பேரு சாமீ. அவன் என்னை விட ரெண்டு வயசு மூத்தவன். அவன் வெர்சடைல் (versatile), நான் பாட்டம் (bottom). நானும் அவனும் ஒரு குரூப் செக்ஸ்ல தான் மொதமொத சந்திச்சோம். எனக்கு அவனை பிடிச்சது. அவனுக்கு என்னை பிடிச்சது. ஒரு மாசம் கழிச்சு ஒரு நாள் அவன் வண்டீல ஒரு பாலத்துல போகும் போது அவன் பீல் (feel) பண்ணி என்கிட்ட ப்ரபோஸ் (propose) பண்ணான். எனக்கு அவனை ரொம்ப ரொம்ப ரொம்ம்ம்ப பிடிக்கும். அதனால நான் ஓகே சொல்லிட்டேன். வாழ்க்கை சில காலம் சந்தோசமா போச்சு. பல காலம் சங்கடங்களும் இருந்துச்சு. ஏதோ இப்போ தொடங்கின மாதிரி தான் இருக்கு. ஆனா நாட்கள் வேகமா ஓடிருச்சு. கிட்டத்தட்ட நாங்க சந்திச்சி எங்க வாழ்கைய தொடங்கி நாலே கால் வருஷமாச்சு. போன ஒரு வருஷமா அவங்க வீட்ல அவனுக்கு பொண்ணு பாக்குறாங்க. அவனுக்கு பொண்ணு பாக்கிற விஷயத்தை மொத மொத அவங்க அம்மா எங்கிட்ட சொன்னப்போ எனக்கு ரொம்ப கஷ்டமா இருந்திச்சி. ஆனா எந்த பொண்ணும் செட் (set) ஆகல. அது எனக்கு சந்தோஷமா இருந்துச்சி. அவனும் அதை பத்தி கவலை படல. அட நான் ப்ளேடு போட்டது போதும்னு நினைக்கிறேன். நீங்க கதைய படிக்க ஆரம்பிங்க.

கடுகல் பகுதி -2

நாள்: ஜூன் 11;    நேரம்: நண்பகல் 12 மணி;

ஆனந்த்:	“ஹாய் டா என்ன பண்ற?”
சாமீ:	“நான் ஆபீஸ்ல தான் டா இருக்கேன். சொல்லு நீ என்ன பண்ற?”
ஆனந்த்:	“நான் இங்க காலேஜ்ல சும்மா தான் இருக்கேன். நான் எதுக்கு கால் பண்ணேனா இந்த மண்த் எண்டு (month end) அம்மா எங்கயாவது டூர் போலாம்னு சொல்றாங்க. கன்னியாகுமரி போலாம்னு நினைக்கிறேன். டிரெயின்ல (Train) அவைலபிளிட்டி (availability) செக் பண்ணேன். டிக்கெட் இருக்கு. நீயும் எங்க கூட வரியான்னு கேக்கதான் கால் பண்ணேன். நீ என்ன சொல்ற சாமீ”
சாமீ:	““ஓ... ம்ம்ம்... இல்ல உன் தங்கச்சிலாம் வருது. அதான் யோசிக்கிறேன். நான் கண்டிப்பா வரணுமா?”
ஆனந்த்:	“அதெல்லாம் ஒரு ப்ரோப்ளமும் இல்ல. நீ தான் நான் உன்னை விட்டுட்டு ராமேஸ்வரம் போனேன்னு கோவிச்சுக்கிட்ட. அதான் இந்த முறை உன்னை கேக்குறேன். உன்னோட இஷ்டம். நான் டிக்கெட் புக் பண்ணபோறேன். நீ ஊன்னு ஒரு வார்த்தை சொல்லு. உனக்கும் சேர்த்து புக் பண்ணிடுறேன்.”
சாமீ:	“ம்ம்ம் ஓகே டா. டிக்கெட் புக் பண்ணிடு.”
ஆனந்த்:	“ஓகே டா. பை பை (Bye Bye)”
சாமீ:	“பை பை”

கடுகல் பகுதி -3

நாள்: ஜூன் 11;    நேரம்: இரவு 8 மணி;

ஆனந்த்:	“ஹாய் டா என்ன பண்ற?”
சாமி:	“இப்ப தாண்ட வீட்டுக்கு வந்தேன். நீ எங்க இருக்க”
ஆனந்த்:	“நானும் இப்ப தாண்ட வீட்டுக்கு வந்தேன். டிக்கெட் புக் பண்ணிட்டேன். சோ நீ கண்டிப்பா வர்ற. ஓகே வா...”
சாமி:	“சரிடா. கண்டிப்பா நான் வர்றேன்டா. அம்மா என்னை சட்னி அரைக்க கூப்பிடுறாங்க. நான் போயிட்டு வந்து கூப்பிடுறேன். ஓகே வா.”
ஆனந்த்:	“ம்ம்ம் ஓகே டா. வேலையெல்லாம் முடிச்சிட்டு என்னை கூப்பிடு.”
சாமி:	“ஓகே டா. பை”
ஆனந்த்:	“பை பை”

கடுகல் பகுதி -4

நாள்: ஜூன் 11;    நேரம்: இரவு 10.30 மணி;

சாமி:	“ஹாய் என்ன பண்ற?”
ஆனந்த்:	“சும்மா தான்டா இருக்கேன். சாப்டாச்சா? ”
சாமி:	“இப்போ தாண்டா தோசை சாப்டேன். நீ சாப்டியா?”
ஆனந்த்:	“ம்ம்ம். நான் எட்டரை மணிக்கே பிரைடு ரைஸ் (fried rice) சாப்டுட்டேன்”
சாமி:	“சரி. அம்மாட்ட பேசுனியா? நான் வர்றதப் பத்தி  அம்மா எதுவும் சொல்லல?”
ஆனந்த்:	“அதெல்லாம் ஒன்னும் சொல்லல. சொல்லவும் மாட்டாங்க. (கோபத்துடன்) வான்னா வர வேண்டியது தானே. எதுக்கு இவ்ளோ கேள்வி”
சாமி:	“வர்றேன். வர்றேன். கோப படாத டா. மணி பதினொன்னாகப் போகுது. அப்பா கதவடைக்கிறதுக்காக நிக்குறாரு. நான் உள்ள போறேன். நீ தூங்கு. சரியா.”
ஆனந்த்:	“ம்ம்ம் சரிடா. சவுண்ட் குறைச்சிட்டியா? ”
சாமீ:	“ம்ம்ம் குறைச்சிட்டேன். சொல்லு. ”
ஆனந்த்:	“குட் நைட்.”
சாமீ:	“குட் நைட். ”
ஆனந்த்:	“ஸ்வீட் டிரீம்ஸ்.”
சாமீ:	“ஸ்வீட் டிரீம்ஸ்.”
ஆனந்த்:	“ஐ லவ் யூ.”
சாமீ:	“மீ டூ டா. பை டா.”